Lift Lo Lohubu, Pitulota Karyawan Lo Matahari Piloteteiyo De Rumah Sakit.

  • Whatsapp
Tim Invasi Polres Gorontalo Kota Hemomarakisa Lift Lo Barangi U Yilolohubu To Citymall Gorontalo, Isinini (5/11/2018). Pitulota Pilotetea liyo Ode Rumah Sakit.

60DTK-KOTA GORONTALO: Lift Lo Barangi to Citimall Gorontalo endi dumodupo, Sinini (5/11/2018) lo dehu ode tibawa. Pitulota karyawan lo Matahari Departement Store to delomiyo pilaliya serius wau piloteteiyo ode rumah sakit.

Kilatarangani li Kapolres Gorontalo Kota AKBP Robin Lumban Raja ode wartawan, lift botiya lodehu sekitar jam 10.00 Wita. Lift boyito bo khusus hepodetohe liyo barangi lo Matahari Depertement Store.

Tim Invasi Polres Gorontalo Kota saati botiye ma lomarakisa lift lo barangi to Citimall u liyodehu boyito. Tilegasi li Kapolres, tingolio mamomarakisa lift u yilodehu boyito. Woluwo u tilala atau de’e.

“Donggo heparakisa lami, lolohu lami wanu hepomake liyo ngohui-ngohui woluo u tilala, utiye lo langgari SOP atau de’e, uwito u donggo hepatato lami” uwali Kapolres Gorontalo Kota AKBP Robin Lumban Raja

Pulisi olo moliyanga tahu’o lo mall, vendor ta hemomarakisa  wau ta to Matahari Departmen Store ta hemo make lift boyito. Mondo pitulota boyito, wopatota piloteteiyo de Rumah Sakit Multazam wau towulota to Rumah Sakit Aloe Saboe.

 

Pos terkait

Tinggalkan Balasan