60DTK-Hukum: Video Pelanggaran Lalu Lintas lo o buluhuta tuango lo Hulondhalo Dulahu Botiye. Video u iledari liyo to Group WhatsApp wau Facebook boyito yilowali to huyi lo Salasa, (30/10/2018). To video boyito mowali bilehendo wololo tabuwa hemolawani Pulisi hemomarakisa oliyo. Tabuwa botiye pilalakisa liyo sababu ja papake helmu, wau dila lo delo SIM boli STNK.
Madelo u yilotapu mai lo tim 60dtk.com, yilowalia lio lo video botiye to kabupaten Pohuwato. Saati boyito operasi Zebra Otanaha u pilohutu liyo lo Satlantas Polres Pohuwato.
Sirita botiya lo tibohu to saati, Anggota Gabungan Polres Pohuwato humbutio lo Operasi Zebra loponao Operasi Sistem Hunting (operasi Mobile) u pipimpini langsung li Kanit Patroli Aipda Abd Rahman Wartabone.
Tim lodunggaya wolo talla’i bobojengiya wolo tabuwa (tangguliyo Ibu Enti) ja pake-pake helemu. Tingolio pake-pake motoro Yamaha RX King wolo Plat Nomor DM 3202 AX
Ti Bripda Anwar Wiranto yilo ondomao langsung belerendi lio tingolio, pata’o ma lohindu kelengkapan STNK wau SIM. Tingolio dulota ja lowali lo pobilohu kelengkapan, Ti Bripda Anwar langsung lo lahangi motoro lingolio. U moole’e Pulisi botiye pilohutuwa liyo hale u jampiyohu li tabuwa botiye.
Ti Enti botiye lo manja-manja wau yilobutola wolo Pulisi boyito. Dila sambe teto to saati Pulisi ti Pak Bripda Abdurahman, Brigadir Steven Rau, Bripda Yosua Situngkir, wau Bripda Danile Dantene, u lo nao mau mopo piyohe u yilowali, bo tumba bilalasia lio wolo Powayo wau tadiya.
