60DTK – KOTA GORONTALO : Rapat Paripurna Lo Hulodhalo u pilohutu liyo to araba’a (5/12/2018) Ponapona’o Lo Adati Lo Lipu. To Talulio tamu hilima liyo wolo Alikusu.
To mamo maso ude delomiyo, tamu molawode moli tuadu u ma pilasangia liyo Tolitihu yimu-yimumuto wolo Ngano lo Huwayo. Ma to delomiyo hilutu liyo delo Puade atau huhuloa lo pangande to pesta lo adati lo Hulondhalo.
“Dekorasi uwodiye madelo O pesta. Tangguliyo lo mau upacara da pilohutu nuansa lo adati lo Lipu. Memangi utiye dila nao-nao madelo adati pohutu, bo nuansaliyo nuansa lo adati.” Kilatarangani liyo lo Sekretaris Dewan Sul A. Moito
Suasana adati to Paripurna DPRD boli yimu-yimumuto wolo Karawo lo Hulondhalo u pake-pake lo panitia. Mongololai wau mongobuwa pake-pake karawo wolo warna khas provinsi wahuende u lali warna lo adati lo lipu.
Sekitar jam 09.00 Wita Ti Gubernur Lo Hulondhalo Ti Pak Rusli Habibie woli Ibu Idah Syahidah le dungga to Gedung DPRD. Tingolio Tilolimo liyo wolo Longgo. Lapato dilepitiyo wolo Rabana wau Saia sambe di delomiyo.
