60DTK-KOTA GORONTALO: Gubernur lo Hulondhalo Ti Pak Rusli Habibie yakini wanu reformasi angraria to Hulodhalo mona’o mopiyohu. Saati botiya tingolio ma lohutu tim u tugasi liyo mopona’o verifikasi wau sertifikasi lo huta. Utiye piloposambe li Pak Rusli lapato lo hadiri Rapat Koordinasi Nasional (Rakornas) to Hotel Borobudur, Jakarta Pusat, Araba’a (21/10/2018)
“Alhamdulillah, mopoturusi Perpres No.86 Tahun 2018 lo Reformasi Agraria, Ito Provinsi Gorontalo ma lohutu Gugus Tugas Reformasi Agraria (GTR). Tim botiya momodata ulangi Tanah Objek Reformasi Angraria (Tora),” uwali pak Rusli
Sasamawa wolo pendataan tim, potensi objek TORA mondo huliya lo kawasa lo hiyambunga to Hulodhalo 50.849 ha. Utiye patopato’a to peta Indikator TORA SK Menhut 3157 u maso-maso mondo Boalemo 7.221 ha, Bone Bolango 1.131 ha, Gorontalo Utara 3.220 ha, kabupaten Hulodhalo 8.332 ha wau lo Pohuwato 30.945 ha.
Rakornas U lopohadiri nga’amila Gubernur wau Kapala Kantor Wilayah Badan Pertanahan Nasional boyito lobisala pasali pokok-pokok reformasi agrarian to Daerah. Maso-maso teto sertifikasi tanah atau legalitas aset, retribusi lo huta, Perhutanan Sosial, wau peremajaan lo ilengi.
